Prishtinë, 12 nëntor, argument.mk/ – Për shkak të mungesës së deputetëve, seanca e Kuvendit të Kosovës, e paraparë të fillonte sot në orën 14:00, është shtyrë për nesër në orën 11:00, raporton Ekonomia Online.
Kryetarja e Kuvendit, Albulena Haxhiu, ka thënë se nuk mund të presë pafundësisht ardhjen e deputetëve, duke e cilësuar si joserioze mungesën e tyre edhe 30 minuta pas orarit të paraparë për fillimin e seancës.
“Seanca i vazhdon punimet nesër në ora 11:00. Nuk është serioze 30 minuta pas orës 14:00 nuk po vijnë deputetët. Unë nuk kam mundësi me funksionu e me prit deri në pafundësi”, tha Haxhiu
