Pasagjerët e një avioni u bashkuan menjëherë dhe neutralizuan një person që tentoi të shkaktonte një incident të rëndë që vinte në rrezik dhe jetën e tyre.
Sipas të dhënave paraprake, incidenti ndodhi në një fluturim të linjës ajrore meksikane “Volaris Airlines,” ku një person tentoi të hapte me forcë derën e kabinës së pilotit, duke kërkuar që avioni të ndryshonte kursin e fluturimit drejt San Diegos.
Menjëherë, kanë ndërhyrë pasagjerët e tjerë duke mos lejuar agresorin që të marrë peng avioni.
Sipas një dëshmitari, gjithçka nisi në momentin kur personi sulmoi një nga stjuardesat dhe tentoi të hapte derën e kabinës së pilotit. Ai gjithashtu kërcënoi se do të hapte derën e aeroplanit dhe do të hidhej bashkë me stjuardesën.
Për shkak të situatës së krijuar, aeroplani është detyruar të bëjë një ulje emergjence në Guadalahara, ku agresori është arrestuar nga policia.
